Խօսէ՛ ինծի Հայ Եկեղեցիի մասին (Քաղուած` Անդրանիկ Վրդ. Կռանեանի գիրքէն) (շարունակութիւն)
Արտաշատ- Երրորդ մեհենենիստ քաղաքը` Արտաշատն էր, ուր Արտաշես Բ.ի (Ք. Ա. ռաջին
դար) օրով` երկու մեհեան կառուցուեցան. Մին բուն քաղաքին մէջ` նուիրուած Անահիտ դիցուհիին
(յետագային` Արտեմիսին), իսկ երկրորդ մեհեանը կը գտնուէր քաղաքէն դուրս ճամբուն վրայ,
նուիրուած` Տիր չաստուծոյ (հետագային` Ապողոնին): Աշտիշատ – Հայոց դիցաբանական պաշտամունքին
գլխաւոր կեդրոնը կը գտնուէր ըստ ոմանց Աշտիշատի մէջ (Տարօն), որովհետեւ Ագաթանգեղոսի
կողմէ ան կոչուածէ: §Հա-յոց Մեծաց թագաւորաց զոհից վայր¦ եւ կամ ըստ այլոց` Բագաւանի
մէջ: Նաւասարդեան օրերուն, Աշտիշատի մէջ տեղի կ’ունենային Վահագնի ի պատիւ մրցոյթներ:
Ի պատիւ Անահիտի` քրմապետը Արածանի գետէն ժողովուրդին վրայ ջուր կը սրսկէր, ժողովուրդնալ
իրարու: Իսկ ի պատիւ Աստղիկ դիցուհիին` աղաւնիներ կ’արձակուէին ու վարդեր կը սփռուէին
(Վարդավառ): Հայաստանի առաջին քրիստոնեայ եկեղեցին Աշտիշատի մէջ կանգնուեցաւ Լուսաւոր-չի
ձեռքով: Հայոց քրիստոնէացումէն ետք, Աշտիշատի մեհենական կալուածները Լուսաւորչին գերդաստանին
նուիրուեցան Տրդատ արքայի ձեռքով, իսկ երբ տան մանչ շառաւիղը սպառեցաւ ու աղջիկ շառաւիղը
Մամիկոնեաններուն հետ ամուսնացաւ, նոյն կալուածները Մամիկոնեաններուն անցան: Բագաւան
- Ըստ այլ պատմաբաններու տեսակէտին, Բագաւանն էր հայ հեթանոսա-կան պաշտամունքին իսկական
կեդրոնը, ինչպէս անունն ալ կը նշէ: Արդարեւ Բագա-ւանը կոչուած է նաեւ §Բագնից աւան¦ կամ
§Դիցաւան¦: Ան կը գտուէր Բագրեւանդ գաւառին մէջ: Ան էր հեթանոս հայութեան հոգեւոր մայրաքաղաքը:
Հոն կը գտուէր Հայոց մեծագոյն չաստուծոյ Արամազդ-Վանատուրի մեհեանը, որ քրմապետներուն
իբր շիրիմաստան կը ծառայէր:
Հայոց հին չաստուածները Հեթանոսական
պաշտամունքի վայրերուն մասին խօսելէ ետք, այժմ անդրադառնանք հոն պաշտուած հայ դիցաբանութեան
չաստուածներուն մասին: Անոնցմէ առաջինն էր` Արամազդ – Անունը իրանական ծագում ունի եւ
կը նշանակէ §ամենագետ¦ (Ահուր Մազդա): Ան հին Պարսից Օրամազդան կամ Օրմուզն էր, Սասանեաններուն`
Որմիզդը եւ Վիրերուն Արամազդը: Ան նկատուած էր հայ դիցաբանութեան գերագոյն աստուածը եւ
բոլոր չաստուածներուն հայրը, երկինքի, արեւի եւ լոյսի աստուածը, պատճառ` երկրի պտղաբերութեան,
ստեղծիչ աստուած: Արամազդէն ծնած են, անմայր ծնունդով, Միհրը, Աստղիկը, Անահիտը, որուն
յետագային միացած է սեմական ծագումով Նունէ աստոիածուհին: